Sygna vidaregåande skule er ein kristen friskule i Balestrand. Her går om lag 180 elevar, og dei fleste bur på internatet.

• 180elevar
• 140bur på internatet
• 5utdanningsprogram

Vel ditt utdanningsprogram

Ein friskule ved fjorden

Sygna vidaregåande skule er ein kristen friskule med offentleg godkjenning og eksamensrett. Skulen ligg i Balestrand i Sogndal kommune, og har god kommunikasjon mot Oslo, Bergen, Stavanger og Ålesund. Undervisninga på Sygna er kjent for at det er tett kontakt mellom elev og lærar, og skulen har eit aktivt pedagogisk miljø som alltid er på leit etter måtar undervisninga kan bli betre på.

Eige rom, felles stove

Om lag 140 av elevane bur på internatet. Dei fleste bur på dublett, med eige rom og delt bad med ein medelev, men det finst også dobbeltrom og einerom. På alle internata er det ei lita fellesstove og ein kjøkkenkrok der elevane kan samlast. Du får servert frukost, lunsj, middag og kveldsmat i matsalen i øko-bygget. Der finn du også møtesal, peisestove, kiosk, biljard, TV og bordtennis.

Søke kunnskap, finne venner, vinne livet

Sygna er eigd og driven av Misjonssambandet. Gjennom eit inkluderande fellesskap får kvar elev høve til å reflektere over meininga med livet. Skulen vil legge til rette for at elevane kan bli kjende med Jesus og oppleve glede og meining i arbeidet med å formidle evangeliet nasjonalt og internasjonalt.

Søk deg til Sygna

Søknadsfristen til førsteinntaket er 1. mars. For elevar med fortrinnsrett eller rett på individuell behandling er fristen 1. februar. Kvar haust inviterer Sygna 10.-klassingar frå heile Noreg til hospitering, og kvar vår 9.-klassingar. Mat og overnatting er gratis for hospitantane.

Søk på Sygna →