Ta kontakt med oss for annonsemuligheter.
-
Andreas Sørås
Salgssjef bedriftsmarked
454 31 221 andreas@dagen.no -
William Børjesson-Karlsen
Key Account Manager
412 43 412 williambk@dagen.no
På Sandane i Nordfjord ligg friluftslivskulen i storslått Vestlandsnatur. Her betyr skule open himmel, stjernenetter, ville fossar, lange turar, sterk utsikt, fellesskap og nye erfaringar.
Nordfjord er den største friluftslivsskulen i Norge, og dei siste 20 åra har det berre vore friluftslivlinjer her. Lærarane har relevant utdanning og lang erfaring, og i løpet av året kjem du til å lære svært mykje om å vere ute og bruke naturen.
Du treng likevel ikkje ha mykje friluftsliverfaring for å søkje. Linjene gjev deg høve til å utvikle ferdigheiter og oppleve meistring innan friluftsliv, idrett og personleg utvikling.

For deg som ikkje klarer å velje, men vil alt – med skitur til Alpane, elvekajakk, isklatring og surfing.

Dei lengste turane – med vinterekspedisjon på Svalbard og Jotunheimen frå nord til sør.

For deg som vil ha ei bratt læringskurve, med mykje ski og klatring og skitur til Alpane.

Hjortejakt, rypejakt og havfiske – og villsvin- og beverjakt i Sverige.

Kiting på fjellet, elvepadling på Voss og bølgjesurfing ved Stad.

Friluftsliv, idrett, leiartrening og undervisning i kristen tru – og surfetur til Biarritz.
Og Vegleiing, for deg som har gått eitt år på folkehøgskule og vil ha meir.
Sjå alle linjene →Dette er det beste året jeg har hatt i livet mitt. Her får du de fineste naturopplevelsene, de kuleste aktivitetene og et utrolig godt miljø.
I vest slår havet inn mot surfestrendene ved Stad. I nord ligg Sunnmørsalpane som ein majestetisk bakgard, og i aust innbyr Jostedalsbreen og Jotunheimen til fleire kortreiste opplevingar.
I tillegg til linjeturane har heile skulen tre felles turar: til Finse, Aurland, Flåm og Vettisfossen i september, skiinstruksjon i Myrkdalen i januar og avslutningstur med pilegrimsvandring på Stad i mai.
Nordfjord folkehøgskule starta opp i 1923, og det var pionerar i misjonsarbeidet i Nordfjord som stod bak. I dag er skulen eigd av Normisjon Region Sogn og Fjordane, og er ein av totalt 33 kristne folkehøgskular i Norge.
Skulen håpar du vil merke at den kristne trua pregar kvardagen. Om du vil, kan du vere med i bibel- eller samtalegruppe, og ein gong i veka arrangerer elevane kristne kveldsmøte. Du treng ikkje vere kristen for å gå her: det er plass for alle, uansett meiningar og livssyn.
Skulen har smie, tresløyd, vektrom, gymsal, badstove, keramikkrom, syrom, crossbu og ein 250 m² stor innandørs klatrevegg. Ute finn du vedfyrt badestamp, sandvolleyballbane, bålhus, gapahukar og naust med eigne båtar rett nedanfor skulen.
Du bur på enkelt- eller dobbeltrom, og alle korridorar har eige vaskerom, kjøken og stove. Når skuledagen er slutt, er det opp til kvar enkelt kva som skal skje: fotball eller volleyball, vaffelsteiking, isbading, spelekveld eller filmkveld.
Opptaket startar 15. november og er rullerande. Tidlegare karakterar spelar ikkje inn: det er motivasjonen for det faglege og sosiale tilbodet som vert vektlagt.
For skuleåret 2027/2028 kostar eit år mellom 155 000 og 166 000 kroner, avhengig av linje. Då er kost og losji, linjeutgifter (med utanlandstur for linjene som har det) og skuleturar med. Du kan søkje om stipend og lån frå Lånekassen.
Lurer du på noko om linjene, skuleåret eller opptaket? Ta kontakt med Nordfjord folkehøgskule.
Her er det plass til akkurat deg. Velkomen!
Besøk friluftslivskulen.no →
Andreas Sørås
Salgssjef bedriftsmarked
454 31 221 andreas@dagen.no
William Børjesson-Karlsen
Key Account Manager
412 43 412 williambk@dagen.no